Guttorm Flatabø sin blogg

Skal du vere med å overføre eit arrangement på internett? Kanskje du ikkje skal stå for sjølve kringkastinga, men skal leige inn folk eller skal vere konferansier?

Det er uansett ein del som bør planleggast og tenkjast gjennom før ei eventuell kringkasting, for at ting skal gå greit. Etter at vi i kxg-prosjektet har gjennomført og vore med på fleire nettoverføringar (sjå arrangementsarkivet), har vi fått mykje erfaring som vi ynskjer å dele.

Å overføre video i sanntid på internett treng verken vere vanskeleg eller dyrt, så lenge du ikkje har som mål å lage ein profesjonell TV-produksjon. Fokuser på bruksverdien og tenk på innsparingane. Etter ein del erfaring og arbeid med kringkasting på nett er det på tide å dele med omverda ei rimeleg «oppskrift».

Den passar for deg som vil gjere det sjølv, fokuserar på nytteverdien av kringkastinga og hovudsakleg skal kringkaste mindre arrangement.

Vestlandsforsking er tilhengjarar av bruk av opne standardar og fri programvare. Då HTML-spesifikasjonen vart utvida til å dekkje video, og nettlesarane byrja å støtte dette var det difor naturleg å ta det i bruk som del av utprøving av teknologi i Kunnskap kryssar grenser.

Kunnskap kryssar grenser handlar ikkje berre om video og videokonferanse. Det er mange måtar å samarbeide på, og delta på arrangement utan å vera til stades i eigen person. Etter to dagar med konferansen Balestrand summit 2010, har me (i Vestlandsforsking) no fått positiv erfaring med såkalla liveblogging. Livebloggsystemet me har brukt kombinerar samtidig rapportering, kommentarar frå lesarane og innlegg frå Twitter.